Hálsmenið myndar hring sem táknar gáru. Gárurnar er hægt að fá í fjórum stærðum sem hver fellur inní aðra eins og gárur á vatni. Gárurnar koma í margskonar útfærslum með nánast endalausum samsetningar möguleikum. Þannig er hægt að láta samsetninguna tákna eitthvað persónulegt, eins og fjölskyldumeðlimi, vini eða tímamót.
Gáran er handsmíðuð úr 14 karata gulli með ferskvatnsperlu. Þvermál mensins er um 12 mm og stærðin er Small. Stærðirnar sem eru í boði eru XSmall, Small, Medium og Large.
Hönnuður og smiður er Berglind Snorra.
Skoðaðu allt Gáru úrvalið með því að smella hér.
Umhirða perlna
Það er einkum tvennt sem þarf að gæta að til að tryggja fallega ásýnd og gæði perlna.
-
Ekki skola þær með heitu vatni.
-
Ekki láta perlurnar komast í snertingu við sýrur.
Í sumum gerðum perluskartgripa er notað sérstakt perlulím til að festa perlur í gripinn. Gæta skal þess að perlur komist ekki í snertingu við heitt vatn, hvorki við þrif eða þegar farið er í sturtu. Heitt vatn dregur úr styrk límingar og getur valdið því að perlan detti úr gripnum.
Gæta skal þess að perlur komist ekki í snertingu við efni sem innihalda sýrur, eins og t.d. ilmvatn og hársprey. Ef slíkt gerist skal skola perlurnar með köldu vatni. Sýru er einnig að finna, í mismiklu mæli, í húð fólks. Langvarandi snerting perlna við húð með hátt sýrustig getur haft skaðleg áhrif, og þess vegna er gott að þrífa perlur reglulega.
Við mælum sérstaklega með skartgripasápunni okkar til að viðhalda gæðum og ásýnd perlna. Sápan er 100% náttúruvæn og hana má nota á allar gerðir málma og steina, þar með talið gull, hvítagull, silfur, stál, demanta og auðvitað perlur.
